February 28, 2024; Vawiin March ni 1, 2024, Chapchar Kut hmanna pui ber Aizawl Sipai Lammual ah Chief Minister Lalduhoma hovin hun hman a ni.

Kut thuchah sawiin, chief minister chuan, kan pi leh pute hunah thiante chhan tur a thih ngam lo mipa chu pawnfen feng tlak a ni, an ti mai thin tih sawiin, "Mahni hmasial takin tumah an nung ngai lo, chu nunzia chu ram leh hnam din nan a hmanraw hriam ber a ni," a ti.

Chief minister chuan, "Vawiin ah hian ram chhan nan tawrh ka huam thin nge, ram mipuite chanai ka eiru thin, thenawm khawvengte tan mi tangkai ka ni thin nge, mi hnawmksak ka ni zawk, kan ram damna thlentu nge ka nih a, hliampui tawrh tirtu zawk tih hi mahni inzawt theuh ang u," a ti bawk.

Mahni hnam nun kalsanin, mite entawn reng rengin kan nun kan hmangral ang tih a hlauhawm tih sawi bawkin, "Kan hnamzia rang hrang hrangte hi hi kan tibo tur a ni lo a, kan zahpui tur a ni hek lo," a ti a. "Hnam changkang zawk ten tunlai changkanna vangin an hnamzia leh nunphung an kalsan kan hre ngai lo, an thehlar a, an chawimawi zel a ni, keini pawhinin chu chu kan ti ve thei," a ti bawk.

Vawiin Sipai Lalmual a Chapchar Kut hmanah hian C. Lalsawivunga, Art & Culture minister chu kut thlengtu a ni.