Aizawl: Chief Minister Zoramthanga chuan Delhi-ah sawrkar laipuia mi pawimawh hrang hrangte hmuin Mizoram mamawh a sawipui.   CM chuan Zirtawpni khan Ram Vilas Paswan, Minister of Consumer Affairs, Food and Public Distribution changtu chu a hmu a. Buhfai tam zawk hmuh theih nana hmalakpui tur te, Hill State transport subsidy la pek chhuah loh te pawh pe thuai turin a ngen. Union Minister chuan Mizoram hmun hrang hranga State sawrkarin kudam an sak nan cheng vaibelchhe 10 pek thuai an nih tur thu a lo hrilh.   Zirtawpni khan Chief Minister hian Meghalaya Chief Minister C.Sangma te nen Citizenship (Amendment) Bill chungchang Union Home Minister an sawipui bawk. Chief Minister hian Zirtawpni vek khan Myanmar Ambassador Moe Kyaw Aung chuan a thlenna Mizoram House-ah hmuin culture, education, border trade te a sawipui.