Music Domain Mizoram (MDM) ten zaimite leh film siamtute tana application an batsaih 'Thulkhung' chu nizan khan Chief Minister Zoramthanga'n a tlangzarh. 
 
Tlangzarh inkhawm hi Music Home, Zonuam-ah neih a ni a, MDM member thahnem tak an tel. Thulkhung application-ah hian tunlai zaithiam lar tak tak - Zaii Hauchhum, David Darlong, Zorinzuali Khiangte leh Jenny Jathang te music video thar dahluh nghal a ni a, man tlawmtein lei theih a ni. 

Heng music video te hi Thulkhung app-ah chauh hian a en theih dawn a, YouTube emaw app dangah emw dah a ni dawn lo. Music video bakah hian film siamtute tan a nih ang ngeiin, Black Rose movie pawh dah luh nghal a ni a, man chawia en theih a ni. 

Music video te hi Rs. 30 chauh chawiin, ngaihthlak reng theih tawh turin lei theihin a awm. Thlukhungah hian zaimi leh music lam tuite tan man awm miah lo leh buaipui ngai miah loin inthlahrung lova dah zel theih a ni. Film siam tute pawhin percent tha tak nei turin film a dah zel theih bawk.

Thulkhung app hi www.thulkhung.com ah download theih a ni.