December 8, 2023; Chief Minister Lalduhoma'n hmaichhan a CM infak siak vak vak te, engkim mai a CM zahawm tak zarah tih tawngkam te hi uar vak loh tur a ni tih sawiin, house leader in tlawnsiak ang mai a infak vak vak te chu tul an ti ve lo tih a sawi.

Mizoram Legislative Assembly 9-na thutkhawm hmasak ber vawiin a neihah thu sawiin, CM Lalduhoma chuan, inthlan vawi 16 a chuh tawh ah vawi 8 a tla tawh tih sawiin, vawi 6 a tling tih a sawi. "MLA nih hi thenkhat tan a awl viau a ni thei a, thenkhat tan erawh a harsa hle," a ti. 

"Ruling leh opposition thliar lo in he sawrkar hian bial tin ah khairual takin hmasawnna kawng ah ke a pen dawn," ti bawkin Lalduhoma chuan, "Kan sum dinhmun kan hria a, house member ten kan lo enjoy tawh thin eng eng emaw te chu kan enjoy tawh dawn lo a, hlawh pawh tihpun a ni dawn lo, hruaitu kan nih angin mipuite hma kan hruai a ngai dawn a ni," a ti bawk.