Aizawl August 11, 2024 : Nimin khan Chief Minister Lalduhoma chuan a chenna inah ramri chungchang sawia lo zin, Assam Border Protection & Development Minister Atul Bora leh a team te a kawm.

Chief minister chuan, “Ramria kan harsatna hi kan hunlai ngeia chin fel tuma hmalak kan duh a. Inbiakna a awm tawh thin a, thutlukna hi status quo tih a ni deuh zel a. Hei hi inremna tak tak tihkhawtlaina mai a nihna chen a awm a. Khuarei daih inremna kan zawn a tul a ni,” a ti.

Bora pawh hian inremna tluantling nei tura inbiakna neih zel chu tha a tih thu sawiin inkawmna hun tha a siamsak avangin Chief Minister hi lawmthu a hrilh a ni.

Chief Minister hi Lalmuanpuia Punte, Adviser to CM chuan a tawiawm a, Assam Minister hi Assam Border Protection & Development official pawimawh ten an tawiawm a ni.