ZALEN December 8, 2023 : Vawiin khan Mizoram Chief Minister atana lakluh a nih hnuah Lalduhoma chuan Raj Bhawan Darbur Hall-ah Chanchinthar lakhawmtute a hmachhawn a, sum seng tlem tura hmalak chu an hmalakna hmasa tur a ni tih a sawi.

Lalduhoma chuan Chief Minister, Minister leh MLA ten 4th Grade (awmpui) an neih theih chin tihtlem chu an hmalak hmasaber tur a nih thu a sawi a, CM-in awmpui pariat an neih theih thin chu pali-ah tihhniam a ni dawn a, Minister ten awmpui pali an neih thin chu pahnih-ah tihhniam tur niin MLA-in pahnih an neih thin chu pakhata tihtlem tur a nih thu a sawi bawk.

Chief Minister hian Minister te Lirthei kawl theih zat pawh tihtlem a nih tur thu a sawi a, Chief Minister, Minister te tan lirthei thar an lei dawn lo tiin Minister kalte hmanlai chu tha tawka an hriat thu leh MLA te car leisak thin pawh tihtawp a nih tur thu a sawi bawk.