EX Mizo National Army chuan thuchhuah siamin Ram siam thatu pawl hming invuah ten Chief Minister zahawm tak leh chhuanawm tak an vau chu pawi an tih thu an tarlang a ni.

EX MNA chuan hetianga thil titu te hi mi dawizep tlan chhe paha thil ti a nih hmel, an ti a, Kristian ramah chuan hetiang hi thleng tawh lo se an duh. "Kan Chief Minister hi mahni Nunna dahkhama Zoram leh hnam chhana kum 20 lo rammu tawh a ni a, misual awm tha duh lote vau mai maiah kan phal lo a ni. Amah chhanhim turin a phenah EX MNA te kan ding tlat tih lo hre rawh se. Mi awmtha duh lo te an duh duh lam hawi zawnga an tal zalen hi kan phal dawn lo," EX MNA te chuan an ti.