Mithiam te chuan kan coffee in duh zawng atangin kan mizia a hriat theih niin an sawi mauh mai - i awih zawng a ni em? Coffee hi khawvela in tur lar ber te zinga mi a ni a, ni khata no 2 atanga no 5 inkar regular taka inhian natna thenkhat lakah eng emaw chen taksa a ven bakah depression neih theihna lakah a veng niin an la sawi cheu bawk. 

1. Black Coffee : Black Coffee in thinte mizia tlangpui chu -thil awmze nei loa tih mai mai an ching ngai lo a, an dawhtheiin an thawkrim thin. Mi tumruh, mahni inrintawkna nei, thil vawng thei tak an ni thin. A landanah chuan black coffee in thinte chu mi chengvawng, mahni thil tiha rilru zawng zawng pe mi an nih chu - black coffee in thin i nih chuan chutiang mizia chu i ni em nangmah lo inchik la aw! 

2. Cappuccino : Cappuccino coffee in thinte mizia nia mithiam ten an sawi chu hetiang hi a ni - tawn hriat thar neih chak mi, mi rilru zau, rinawm, rilru chak, creative em em an ni thin. Zir chianna hrang hrang atanga a lan dan chuan cappuccino in thinte chuan thil tha an duh a, an thawkrim thin hle bawk.
 
3. Espresso : Espresso ngainatute chu pianpui hruaitu, thil tum nei, inrintawkna nei mi leh mi thawkrim an ni tlangpui. Hnathawhnaah an inhmang nasa a, midangte kaihhruai kawngah an entawn tlak thin hle. 

4. Latte : Latte in thin te chu mi hlim thei tak, thil thleng pawm thiam tak mi an ni tlangpui. Intihhim nuam ti mi, nalh ngaina, mi polite leh hringnun hrethiam tak mi an ni duh hle.  

5. Decaf : Decaf ngainatute chu dan leh thupek ngaipawimawh mi, thil te ber thlenga chik peih mi an ni duh hle. Mahni hmasial tak an ni duh viau bawk a, an taksa leh hriselna an hre chiang viau thin bawk.

Heng a chunga tarlan hrang hrangte hi mithiam ten an zirchianna atanga an hmuh chhuah a ni a, a vai vaiin a dik vek kher lo ang tih chu thil chiang a ni - mahse, mi tam zawkte tan chuan a dik viau thei bawk awm 
e.