Fiamthu thiam zawnna Comedian Search 2023 chu zaninah Grand Finale neih a ni dawn ta. Final hi zan dar 8:00pm ah tan a ni dawn a, LPS 1 bakah Runmawi App lamah en theih a ni ang. 

Comedian Search 2023 hi August 17 khan tan a ni a, mi 70 chuangin intihsiak an hmachhawn. Grand Finale-ah hian a tha zual mi 5 te an intihsiak leh dawn a result puan nghal ani ang. Top 5 te hian September 16 zan khan final first leh an lo nei tawh a, zanina chet that a pawimawh dawn hle. 

Comedian Search winner hian pawisa fai Rs. 1 lakh bakah Suzuki Access 125, TV, 1.6 KW Solar Hybrid Power Backup Sysytem a dawng dawn a ni. Pahnihna pawn Rs. 50,000, Refrigerator leh Solar Heater a dawng dawn a, pathumna hnenah Rs. 30,000 Washing Machine leh Solar Heater hlan a ni bawk ang.