Company hlu ber Apple

Admin - Aug 28, 2021

Alphabet leh Facebook te chu top 5-ah an lang

Hurun Global-in a tarlan dan chuan Apple chu tun dinhmunah khawvela company hlu ber a ni. Company hrang hrangte hlutna hi a danglam ve reng a, chutih rual chuan Apple ten dinhmun sang ber an luah hi thil mak a ni lo. 

American multinational technology company hlutna hi US dollar tluklehdingawn 2443 zet a tling a, pui rem rem tak a ni. Hurun Global 500 Most Valuable Companies list 2021-ah hian Apple hi Microsoft leh Amazon te chuan an dawt a, Alphabet leh Facebook te chu top 5-ah an lang bawk. 

Chinese company Tencent chuan parukna an hauh a, hetih lai hian Alibaba Group hlutna erawh a tlahniam thung a, nikum aiin 18% vel laiin an hlutna hi a hniam tawh zawk a ni. 

Top 500-ah hian US company hrang hrang 243 zet an lang a, China chuan dawtin company 47 a thawh ve bawk. Japan chu pathumna niin company 30 an lang a, UK (24) chu palina a ni. Hetih lai hian India chuan  company 12 lai a thawh ve bawk a, a pumpuiah pakuana a ni phak a ni. 

Hurun report-in a tarlan dan chuan heng company hlu zual 500 te hlutna hi Covid-19 len hma ai khan 100 trillion yuan velin a puang a ni. 

Share now