Aizawl March 14, 2024 : Inrinni, 9.3.2024 khan All India Congress Committee (AICC) President Hon'ble Shri Mallikarjun Kharge chuan National Executive Committee Member atan Zodintluanga Ralte, Ex-Minister, Ex-Treasurer MPCC leh Ex-CLP Leader ni bawk chu a ruat.

AICC President hian India ram chhunga Congress hruaitu lawk zing atangin National Executive Committee atan mi 30 a ruat zingah Zodintluanga Ralte hi telin Serial no. 24 a ni. He thuchhuah hi March 9, 2024 khan AICC General Secretary Hon'ble Shri K.C Venugopal, Member of Perliament hminga tih chhuah a ni bawk.

AICC President hian National Executive Committee Member a tihchhuah rual hian India ram puma National Coordinators, Joint Coordinators, State Chairpersons of Goa & Tripura te chanvo a ti chhuak nghal bawk.

India ram leilung fate hnena dikna leh chanvo humhalhna Committee hi India rama chêng Congress hruaitu nghet leh rintlak te hnenah pek thin a ni.