Aizawl April 27, 2024 : Mizoram State Project Monitoring Committee (MSPMC) chuan Hualngohmuna hmalakna kal mek, ‘Construction of Solid Waste Management Centre: Phase-I’ chu an Vice Chairman R. Lal Rinawma IRS (Rtd) hovin Zirtawpni tlai khan a hmunah endikna an nei.

Hmuhma leh hmalakna awm mekte thlithlai a nih hnuin MSPMC vice-chairman chuan a hmunhma chu tangkai thei ang bera hman a tul thu a sawi a. Hna tithuanawp thei, clearance leh thil dang a awm a nih chuan tihfel vat a that thu sawiin bawlhhlawh tawih thei lo, awlsam leh felfai zawka thliar anih theih dan tur te, tawih thei khawl hmanga chak leh awlsam zawka tawih raltir theih dan tur, mechanical compositing-te chu a hmunah engineer leh contractor-te ho nen an sawi ho va. Vice-chairman chuan tun dinhmunah chuan Phase-II hna kalphung awm dan tur azirin assessment neih leh phawt a that thu a sawi.

‘Construction of Solid Waste Management Centre: Phase-I’ hi Special Assistance to States for Capital Expenditure (SASCE) hmanga Rs. vbc 16.64 a fund niin PWD chu implementing department a ni a. Phase-I hi kalpui mek niin chu chuan building sak leh kalpawhna kawng siamnate a huam tel a ni.