Aizawl March 15, 2024 : Mizoram Cooperative Siamtha Pawl chuan an hmalakna avangin Cooperation Department leh Society thawhhona nei thei tawh lo chu tha taka suihzawmin an inkar nasa takin an siamtha an ti a, kumina Society inthlan hrang hrangah pawh an hmalakna zarah an lam tang te an tling deuh vek tih an sawi.

Mizoram Cooperative Siamtha Pawl chuan 2023 kha Mizoram Cooperative inthlanpui kum a ni a. Mizoram Cooperative dinhmun uluk taka a zir hnuin siam that tulin an hria a, Mizoram Ooperative Society te dinhmun ngun takin an zir a, siam that ngaiin an hria a. State level Society BOD-te chuh a, siam that hna thawk turin MCSP hi a din a ni, an ti.

2023-ah khan Mizoram Cooperative inthlanpuiah khan Line-up pathum atangin BOD inchuh anih thu an sawi a, Board pathum - ZOFISHFED, SERIFED leh MCU-ah te uncontest-in hnehna an chang a. Society pangaa inthlan an neihna - Apex Bank, PIGFED, MIZOFED leh MAHFED-ah te vote 65% vel hmuin hnehna an chang an ti a, MAHCO erawh line-up dangin an chang tih an sawi.

Inthlan hnuah August – December, 2023 chhungin APEX Bank Branch pali hawn thar a, 2024 chhungin APEX Bank Branch thar pariat hawn tum a ni. MIZOFED-in Petrol pump pahnih leh Dawr pahnih an hawng thar MIZOFED hian kuthnathawktute thlai thar lei leh hralhsak dan tur an buaipui mek, an ti.