Copa America 2024 atana an theme song tur chu tihchian a ni ve leh ta a, Shakia aw mawi tak ngaihthlak tur a awm leh dawn. American hmeichhe rapper lar Cardi B nena an sak 'Punteria' chu Copa America 2024 official theme song atan hman ani dawn. 

Colombian singer Shakira hian FIFA World Cup 2010 theme song 'Waka Waka' kha a lo 'hit' pui tawh a, a lar zia pawh sawi nawn a ngai awm lo e. He hla hian YouTube-ah viewer vaibelchhe 400 dawn a nei tawh a ni! 

A hla chauh hi a larpui lo a, a pasal hlui ni ta footballer Gerard Pique nena an intawnna a nih bawk avangin a lar zual hle. 'Waka Waka' music video an shoot-naah hian Pique nen hian intawngin an innei zui a, fa pahnih an neih hnuah an inthen leh ta thung a ni. 

Copa America 2024 hi June 21 atangin khelh tan a ni dawn a, July 15 thleng a awh dawn a ni - hemi hun chhung hi chuan Shakira leh Caqrdi B te hla 'Punteria' a lar leh viau dawn a ni.