Aizawl; December 11, 2013-a K Chhawnthuama, Durtlang-in EVM tihchingpen chungchangah CM Lal Thanhawla chu SMS a thawn nia sawi chungchangah March ni 4, 2014-ah hian K. Chhawnthuama hi court-ah a inlan leh dawn nia hriat a ni. CM hian SMS thawntu chhuichhuak turin December ni 13, 2014 khan Aizawl Police Station-ah FIR a thehlut a. K Chhawnthuama hi December ni 16, 2013 ah man niin, thubuai IPC U/S 171G leh IT Act 66A (a) (b) ziahluh a ni. Police-in Court-ah darkar 48 chhung kawl an dil anga an kawl hnu-ah December ni 20, 2013 ah Court-ah hruai a ni a, bail-a chhuahtir a ni. January ni 30, 2014 ah Chief Judicial Magistrate Court-ah inlan lehin, a mantu Police (Case i/o) in chargesheet a la theht lo a; February ni 24, 2014-ah a inlan leh a, hetah pawh hian chargesheet thehluh a la ni chuang lo a, March ni 4, 2014 hian Court-ah K Chhawnthuama hi a inlan leh dawn a ni.