India-ah hian hri kai vaibelchhe 2.86 chuang awm tawhin mi nuai 1.20 chuang hret hri kai hmuh chhuah belh leh an ni a. Ni 12 chhung a zawnin positivity rate-in 10% a kai ta lo bawk.

Hri kai enkawl mek mi nuai 15.55 an la awm a, a hma ni chiah aiin 80,745-in an tlem zawk.

Mi 14,152-in hri an kai tih hmuh chhuahna, Maharashtra-ah chuan mi nuai 58.05 chuang kai an awm tawh a. Thawhtanni atang hian inhawn tan tumin thawh ngain an kalpui dawn.

Maharashtra dawtah hian Karnataka, Kerala, Tamil Nadu and Andhra Pradesh leh Uttar Pradesh chu hri kai tam zualna state an ni.

Karnataka-ah mi 16,068-in an kai tih hmuh chhuah leh hman niin inkharkhip pawh June 14 thleng an pawt sei leh a. Hri kai nuai 2.80 chuang an nei tawh.

Hri leng thawh hnihna tuar na, Kerala-ah kai mi 16,229 awm belh lehin mi 135-in an thihpui leh a, mi 9,501 an thi tawh.

Kerala \henawm, Tamil Nadu-ah kai mi 22,651 an awm belh leh a. Chhim lam state-ah hian thihpui mi 463 awm belh lehin ni khata thi an tam berna state a ni.

India rama mihring cheng an tam berna state, Uttar Pradesh-ah chuan hri kai hmuh chhuah thar mi 1,113 awmin an ziaawm zel tawh a, mi 136-in an thihpui leh hman bawk.