Covid-19 discharge tlahniam nasa, vei thar danglam tam lo

Admin - Jun 06, 2021

Covid-19 discharge tlahniam nasa, vei thar danglam tam lo

Aizawl; Covid-19 kai enkawlte enkawlna hmun atanga chhuahtir (discharge)-in hmasawn lam a pan tawh laiin kar hnih liam ta atang khan tlakhniam lam a pan a, hetih lai hian a vei thar zatah  danglamna a tam lem lo. Kar li chhunga discharge that ber leh hniam ber inthlauhna chu 18.35 points a ni.

May 9-15 kar belhkhawmin damlo 867 dama chhuahtir an ni a, 1,118 vei thar an awm thung a, discharge zat chu 77.11%-ah lawnin hemi hma damlo chhuahtir percentage chu 33% bawrah a awm deuh reng a. Kar thum liam ta, May 16-22 kar khan hri vei thar 1,507 awmin mi 1,298 chhuahtir niin 82.14% ah a chho dawrh a, hei hi kar 4 chhunga chhuahtir that ber tum a ni.

May 23-29  kar kha kar li chhunga damlo chhuahtir zat hniam ber kar niin 1,059 chhuahtir an ni a, 63.79% an tling a ni.Nimin Inrinni thlenga chhiarin kar liam taa vei thar belhkhawm chu 1,644 an tling a, chhuah tir 1,069 an awm a, 65.02% chhuahtir an ni.

Health department hnathawkte chuan discharge chu tun hnaiah a tlakhniam thu sawiin, ­”ZMC lam hi a na deuh dahna niin chhuak zung zung thei lo mahse an chhuah zat hi chu a danglam lem loin kan hria a. CCC hi tun hnai hian chhuak an tlahniam a, hei bakah hian report lo lut tlaite pawh a awm thin bawk,” an ti.

Share now