Infiamna

Covid-19 laka fimkhur turin ngen

Admin - Apr 13, 2021

MFA Special General Body Meeting chuan tun season chhungin Mizoram huap inelna kalpui lo tur a lo rel tawh

Mizoram chhunga football inelna kalpui mekte Covid-19 laka fimkhur turin Mizoram Football Association chu AIFF-in a ngen.

AIFF chuan India ram chhunga football association hrang hrangte chu football inelna an kalpui a nih pawhin sorkar laipuiin Covid-19 chung changa inkaihhruaina a siamte zawm turin a hriattir. MFA hnuaia District Football Association leh DFA hnuaia Zone Football Association zawng zawngte Covid-19 laka fimkhur tak chunga inelna kalpui turin MFA chuan a ngen a ni. 

MFA Special General Body Meeting chuan tun season chhungin Mizoram huap inelna kalpui lo tur a lo rel tawh a, hei vang hian MFA chuan football leh futsal inelna chu May, 2021 chu a chawlhsan  a. District Football Association te erawh an district thuneituten an rem tih chuan inelna kalpui phalsak an ni thung.