Coronavirus chi khat, omicron atanga insiam danglam lehchhawng chu World Health Organisation (WHO) chuan ‘a darh chak’ em avangin ‘ngaihven ngai’ huangah a dah.

JN.1 hi ram tam takah a darh tawh a, heng zingah hian China, India leh US pawh a tel.

Darh chak hle mah se WHO chuan ‘vantlang tan a la hlauhthawnawm rih lo va, invenna hman mekten a la dang thei’ niin an sawi.

Hetih rual hian thlasikah Covid leh tlang hri leng dang a leng nasa thei niin an sawi lawk.

Khawvel hmar lamah thawkna lam tibuai thei tlang hri leng te, respiratory syncytial virus (RSV) leh naupang âwm na a tam thei dawn niin an sawi lawk bawk.

Covid thlentu natna hrik hi hun inherah a insiam danglam zel thei a, a chi thar zawk pawh a insiam zel thei bawk.

WHO hian Omicron kaihhnawih kal zel hri chi thar awmte a vil zui reng a, heng zingah hian JN.1 pawh hi a tel a; mahse, a khawi mah buaina nasa thlen thei tur khawp a awm an la hre lo.

Hetih rual hian JN.1 bik hi khawvel hmun hrang hrangah a darh chak hle.

US Centres for Diseases & Prevention (CDC) chuan an rama leng tawpah ‘a darh chak ber’ niin an sawi a. Covid kai zinga 15-29% zetin an kai niin an sawi.

UK Health Security Agency pawhin lab-a an zirbing zinga 7% vel zet chu JN.1 kai niin an sawi ve bawk a. A chi dangte nên an thlithlai zui zel dawn tih an sawi.

JN.1 darh chak chhan hi a insiam danglamna, BA.2.86 aiin amaha zum (spike) chhuak a tam zawk vang nia ngaih a ni.

Darh chak hle mah se tun thleng hi chuan a kai zingah a hmaa darhte aia a kaite taksaa thawk na bik a nihna leh tuar nat bik a nihna hriat a la ni rih lo.

Invenna hman mekten la dang thei leh thawk na bik a nihna la hre lo mah se WHO chuan hriselna a khawih theih dan chu ‘la zir zel ngai’ niin an sawi.