Culture, Custom & Tradition

Admin - Sep 04, 2021

Culture, Custom & Tradition

C. Vanlal Ruaia - 

Heng thu pahnih hi Mizo tawng ang hial a kan hman tawh avangin foreign word a nih pawh kan hriat tawh mang loh avangin Mi tam tak zingah pawh hre hrang lo  kan tam maia , han sawi fiah dawn ila. 

Custom hi kan hrilhfiah dawn chuan thil nung (social animal) hlimthla, i e  “Mihring pawl khat nun dan zia a ni a,” a hrilhfiahna chu – “Mihring pawl khat ten an chenna ram leh boruak  sik leh sa leh tui tlan leh eng boruak nieng Khaw awm dan mil a, an upate atanga hun rei tak tih dan tha an lo chhawm/neih, a reilo berah Kum 100 (za) danphunga an lo tih thin hi a ni,” chungchu hnam chanchin zir a, ‘Code of Ethics’ ‘Hnamzia’ an tih hi a lo ni ta a ni.

Custom & Culture hi thil inzawm tlat a ni a; mahse, a then hran theih tho dan a awm a.  Culture hi chu khaw awm dan leh leilung pian ken/hmang mila, a chhunga  thilnung chengte eizawn dan hi culture a ni.  Mizoram ah chuan November-May  thla  inkar velah thing kan phun nung thei lova, June leh July thlaah thil kan phun thin. Mahse, June leh July khaw vawh dan leh lum dan humidity-te kan siam chawp a, ‘Green house’ kan siam a nih  chuan, thlai kha kan phunnung tho ang; chu tak mai a chu  thlai tan khan chuan a ‘Culture’ a ni ta  a ni. Mahse, green house pawn lam culture erawh a ni vek lo thei. Kan sik leh sa mila kan nun inher vel hi culture a ni a. Chung culture mila hnam chi khatten tih dan thin an neih chu tradition a ni ta a ni. Culture chu Custom & Tradition ai chuan a bul deuh zawk a ni.

Thla (moon)-ah chuan tui pawh a awm lo va, oxygen pawh a awm lo va; mahse, an thlai chin turin a duhtawk ang chiah climate an siam a, an ching chhin (experiment) reng tawh a ni. Heng kan han sawi tak ang khan mihring mai ni lo ramsate pawhin nun dan leh tihdan an nei a, perhpawng chu October thla  full moon velah a lam cher cher a. October a pelh dawn, a  thih dawnin a tui a phum a, a kum thar leh March/April thla velah an lo keu a, a lo keu notesen chuan kua hreh ve a.  Vung te reuh tete an rawn chhuahtir tiar a. A kaw chhungah a thang ve reng a, Chung chu Culture & Custom kan ti thei ang. October-ah an lo puitling tawh a, an rawn lam ta thin a. Chutiang zelin rannung dang pawh an ni. Chung October thla eng zan  dar 12 hma lama an lam thin dan chu Custom & Tradition  a ni a. Perhpawng lam lai perhpawng pakhatin a va rimte pawh hi an ‘Tradition’ a ni ve ta a  ni.

Lo neih hi  Mizoram mi cheng 75% -te eizawn dan culture a ni. Tun lai hian ram kan loh nan lo hal hi March 15 hmaa hal tur an ti thin a. Lo neitute dan/culture  kha kan suasamsak fo thin a. Lo neitute khan  thahnemngai taka lo neih han tumna chi chiah a ni ta lo. March 15 hmaa lo hal chuan khua kha  duh angin a la ro tha lo va. Khaw awm danin a zir loh a, Chapchar a rei loh chuan leilung a kang na lo va, hlo a har a,  thlai chinten an zung thlakna tur thing/hlo zunga a kan chah loh chuan thlai a thang duang thei lo a ni. Mizo tih dan, an tih dan thin namnul sakin kan palzutsak thi a ni. Mahse, ram kang chu a pawi bawk si tih loh theih a ni bawk si lo. Ram kang tur ven dan kan hriat that ber a ni si a.  Mahse, lo neih (shifting cultivation) thlakna tur rintlak sawrkarin a ngaihtuahsak a nih chuan a tha tho a ni. India ram  chang lo, khawvelah agriculture hi chu duat vek a ni a. Tax pawh hi tharchhuak (agriculture product)-ah chuan awl vek a ni thin. Mahse, thil tharchhuah, thil danga chantir leh tawh, industrial/factory product a lo nih leh tawh chuan tax lak a thiang leh tawh ang.

Custom chu mihringina chenna boruak tuamtu azira a nun dan leh eizawnna a chhehrem dan hi a ni a. Mihringte nun hlim thla a nih bakah min chawitleitu boruak khaw awmdan sik leh sa a, kan khawtlang lunglennate hi a ni. Heng khaw awm dan hian a mi chengte nunah thuk takin sulhnu a nei a. Mizo ramah May thla-ah Tote a lo hawng a. thli a rawn thawk a, Lenghawr an til chum chum a.

Hla phuah thiamte’n,
“Chungkhua lo ri thinlai a nghawr,
Nunhlui ka ngaizual thin
Min hnem lo Lal Immanuel tahlai ka bang ang e,
Khuarei ngaih chu tlang romei angin,
A lo kiang leh ang e,” kan tih thin hi.

Chapchar lai hi hmasang Mizo pipute chuan ‘rammuin’ pasaltha an chhuak thin a. March thla leh April velah lo halin May thlaah buh an tuh thin a. Hlo thloin November-ah buh an seng a, pawl a tla thin a. December thlaah inah kan phur hawng a, kût kan hmang thin a, he kût hi hmasanga an Chapchar Kût hman kha a ni a. Vawiin niah Krismasin a rawn thlak a. Kristian 1893 hnu lam atanga kan lo nih khan, he Chapchar Kût hi kan bân (hluihlawn) reng a, kum 1972 vel atang khan kan tharthawh leh a, chung atang chuan March thla velah kan hmang deuh ta ziah a ni. Kan eizawn dan hi keimahniin kan sawn ngawt thei lo a. June leh July thlaah Charphar Kût kan hmang ngawt thei hek lo. Kan thlai thar pawl tlak (harvest)-ah mihringin kût a hmang deuh vek bawk a. Assamese ‘Bihu’ pawh an buh thar lawmna malsawmna a ni. Chung kûtpui kan hman chu kan hlim em em a, a er lah kan er nasa a. Nu leh pa tana hahchawlhna (recreation) ropui tak a ni a, thalai tan pawh ‘hlimna ni ropui’ thlen hun a ni thin a. Hmasang atangin mihringten kût kan hlimpui em  avangin, William Shakespeare-a pawn, “Kût pui a tiak, Val an val reng, la erawh an la zui lo,” a lo ti hial reng a ni. Nula leh tlangval inhmangaihten tha dun an hmang a, an lo awmdunin, an thal thlah khan pakhatah effect a rawn neih vangin nula chuan a nula nihna lo tawpin, hraite a lo chawi thin a ni. Chu chu Shakespeare-an, “La erawh an la zui lo,” a tih chu ni. Heng kût hi thawhrimna atanga kan hahchawlhna a ni a. Kan Lal Isua (Messia ni loin) lah a lo la kal mai hman rih si lo va.   Han sawi tak azarah chuan kan naupan lai khan Pathian thu hi biak in zan inkhawmahte kan ngaithla thin a, Upate pulpit sermon hian ‘Ni hnuhnung’ tih leh Lal Isua Khista (Upaho lam dan) lo kal lehna thute an han sawi huai thei khawp a; ni hnuhnung a nihziate kha an han au chhuahpui tam hle a. Ni hnuhnung thil thlen dan tur an han sawi tak tak phei chu zan thimah phei chuan kan hlau thin a. Home work tih leh lehkha zir thiltih reng reng kha,  kan tui lo rawk thin. Thlarau thianghlim kawng khar hnan hun a thlen tur thu zan lama han ngaihthlakte phei kha chuan hlimna lam aiin lungngaihna naupang nunah kha chuan a thlen zawkin ka hria; mahse, lung delh loh kan lo seilian a, khatiang letling thawk zawng khan rilru a sei lian ta zawk a, an sermon ang khan  thil a lo thleng lo bawk nen,  an thusawi  result ni maw? Pulpit tlang atang hian dawt hi a lo ri hnem ve hle a ni kan ti thei ang.    

Mizote custom leh culture hi kan rinna kawngin min hruai peng nasa em em a, kan thar thawh leh kan tih kha, kan rinna avangin mi hnam tih dan entawn reng reng a nung kan ni a; kan inkhawm pawh hian kan biak dan hi saptawng a tam em em a, keimahni hnam bil chhuak kan hmusit a. He hla chang pahnih hi en teh:

“Thangvanpui khi au se piallei nang lam  la,
Hallelui nawn rawh se mual zawng zawng,
“Lei leh vanten amen rem se,
Tuifinriat leh Khawvel zawng hian
Halleleui nawn rawh se.”

Heng hla changte hi han en vang vang la, pakhat hi vanram kal lohna, pakhat a chang hnuhnung zawk hi vanram kaina a ni ve thung a; a englai hi nge a danglamna ka hmu ve lo. Mahse, Mizote kan harh ve hret hret a, custom leh culture hrula Pathian biak hi kan uar tulh tulh anga. Biak inah (custom & tradition) hnam tih dan kan seng luh hunah phei chuan ram dang mi pawn kan inkhawm chhim an chak viau dawn a ni.

Kan Krismas kûtpui a tiak zokhaw lamah chuan, a lunglen thlak hle. Chulpawl kal leh tlangsam par ro te, buarthau par lengin hnar a luh a, buhchhekna ‘Chhekin ram’-ah sazuten an dai chiar niai a. thlawh lai buh pawl kar atangin chipte an lo thlawk chhuak a, hmarcha an rah sen hlar a. Vau maurua khawro tawha thuro nupa an chukchurukur a, thlamah awmpawng zam an ro zo a, vaufemah nipui par, zamzo te,an chul rim rem tawh a. Kan Krismas  zun lungleng rilruah a la cham avangin chulramkal an zai thin.

“Lal pian hun pangpar a vul leh ta”
Eden thlan kawngkhar chung a rawn chhun eng,” kan ti a.

Lungleng takin kan zai raih raih reng a, a thu (hla thu) chuan ram hran Palestinian ram daih sawi mah se kan mitthla chuan kan ram boruak leh tlangsam parte phul te, mahni venga thenrualte nena kan hlimna  bak, rilru luahtu a awm chuang lo.

Kumin kum kalta kha chu Aizawl an chei nasa em em a, heng hi thil tul lo leh hautak, hnam dana mi nghet loho thiltih a ni. An chei dan tam ber phei chu kan ram boruakin a hrin a ni miah lo.  Kan Lal Isua pianna ram pawn’ a hrin zen zen loh thingkung leh thingtanga vur tang var luai mai lemte kan siam ani. Heng hi khawvel hmar tawp lam (temperate zone) England, wales ram vawt tih dan kan entawn a ni a;  Mi ram tihdan kût ni vangthla a entawn reng thu a awm lo , heng hi chu kan Tho-a (mangphan thil tih a ni a, lawmante in  pe hial a kan tun lai tih dan a ni leh  ta a, kan ching rei lo hle ang.

Share now