Aizawl; Young Lai Association (YLA) General Conference vawi-26 na, February ni 18 (Thawhlehni) atanga Vathuampui khua a neih chu February ni 20 zan khan zawhfel a ni a. Thupui atan 'Khawtlang nun siamthat' tih hman a ni a, kum puan atan 'Ram leh Hnam Humhalh' tih an thlang. Khawmpui hian Lawngtlai leh Lunglei inkar National Highway chu chak tak a siamthat hna thawh a nih theih nan hmalak nise an ti. Saibawh leh Vathuampui inkar PMGSY hmanga kawngpui sial tawh chu black top a nih theih nan hmalak tha an ti a, Branch YLA tin ten YLA Park siam nise an tih bak ah Bungtlang South ah Higher Secondary School dah turin thuneitu ngen tha an ti bawk. YLA General Conference hian Feb. 20,2014 chawhnu khan MJA Lawngtlai District te kaih hruaina hnuaiah kum hnih 2014-15 chhung hruaitu thar an thlang a, chungte chu - President ah V.Vanlianhrin, Vice President ah V Thangzova, Gen. Secretary ah HC Lalruatpuia, Secretary-ah JH Lalrindika, Treasurer-ah F Lalrothanga leh Fin. Secretary-ah LTZ Langva te an ni.