ZALEN December 23, 2023 : Vawiin khan CYMA chuan Zemabawk, Cancer Hospital Khualbuk a awm mek mi 31 te hnenah Krismas thilpek pawisa fai Rs. 55,000/- an hlan.

Cancer veite khualbuk leh Cancer khualbuk, Selz Foundation te hnenah hetiang hian Krismas thilpek hlan an ni.

Cancer Khualbuk, Selz Foundation

Awmzat - Mi 13

Krismas thilpek : Rs. 20,000/-

Cancer veite khualbuk & Hospice Care Unit

Awm zat : 19

Krismas thilpek : Rs. 35,000/-

Central Executive Committee te hian an Committee apianga thawhlawm an thawh thin tlingkhawm chu Cancer Hospital Khualbuk a awm mekte hnenah hian Krismas hlim taka an lo hman ve nan an hlan a, he hunah hian CYMA Office Bearers te leh CEC te an kal ani.

Krismas thilpek hlanna ah CYMA President Lalhmachhuana chuan thusawi in, "Central YMA chuan Cancer vei khualbuk a awm mekte hi a hre reng a, tun Krismas leh Kumthar vuakvet ah in duhzawng te inlo ei ve nan, CEC Committee thawhlawm tlingkhawm chu in tan kan rawn hlan a, hlim taka Krismas lo hmang turin duhsakna kan hlan che u a, dam taka he hmun hi in chhuahsan ngei theihnan in tan kanlo tawngtai thin ang." a ti.

CEC te Krismas fehchhuah programme hun hman hi Joseph Vanlalhruaia chuan tawngtaina hmangin a khar a ni.