Aizawl August 6, 2024 : Ni 05.08.2024 (Thawhtanni) zana Central YMA Executive Committee thukhawm chuan, Mizorama Gorkhali awm ten Mizoram Sawrkarah Other Backward Classes (OBC) Status an dil mek chungchang a ngaihtuah a. Gorkhali-te OBC Status pek hi tha an ti lova, a tawp thlengin dodal zel an tum.

Central YMA hian Gorkhali ten OBC Status an dil tirh atangin Mizo hnam himna khawih chhe thei nia a ngaih avangin a lo dodal tawh thin a. Gorkhali-te OBC Status pek an nih chuan ram leilung fa, Mizote tan kawng hrang hrangin a him dawn lo niin an hria a ni.

Central YMA-in kan Ram leh hnam humhalhna atana hma a lak mek lai hian, Mizo hnam tana him lo ni a an ngaih avangin, Gorkhali-te OBC Status pek hi tha an ti lova, a tawp thlengin an dodal zel dawn a ti.