DOWNLOAD OUR APP

Read latest news on your phone
app-store

Damdawi ei fimkhur loh taksain a tuar

Jun 13, 2021

Kum tin mi maktaduai 1.5 vel chuan hetiang harsatna hi an tawk a, kum upa lamah a hluar hle tih an zir chhuak

Mithiam te chuan damdawi kan ei danah kan fimkhur tawk loh avangin taksain harsatna a tawk thin thih an sawi a, hei hi kum upa lamah a hluar hle niin an tarlang. 

Mithiamte chuan damdawi hi a nihna tur ang taka ei chuan natna thattu leh damna thlentu a ni a, chutih rual chuan a ei dan tur dik loa ei chuan nantna thlentu a ni, an ti. Zirchianna atanga a lan dan chuan, kum tin mi maktaduai 1.5 vel chuan hetiang harsatna hi an tawk a, kum upa lamah a hluar hle tih an zir chhuak bawk. 

Hei hi a chhan ber nia lang chu - kum upa te hian an taksa a chak tawh loh avangin damdawi an ei nasa a, an innghahna ber pawh a ni. Eng emaw hlekah pawh damdawi an ei loh chuan an ngaih a tha thin lo a, damdawi chi hrang hrang an ei tam avangin a thawh tur angin a thawk chak loa an taksa a nghawng thin a ni. 

Damdawiin kan taksaa thil tha lo a then thin pumpelh tur chuan Dcotor te chawh dan ang thlapa damdawi ei chu a him ber a, mahni thuin ei mai mai loh tur. Nachhawkna sang tak tak ei loh tur a ni a, pum ruah laia ei tur bik tih loh chu puar laiin ei hram tur an ti bawk. Mithiamte chuan mi ngeih ang kha kan taksain a ngeih ve kher lo thei a, chuvangin mi sawi na zawng awih loh tur a ni, an ti. 

Share now