Aizawl: Zirtawpni tlai khan damdawi in hmasawn lawmman semna inkhawm (Kayakalp Award Ceremony) 2018-19 chu Civil Hospital Conference Hall, Aizawl-ah neih a ni a, Social Welfare Minister, Dr. K.Beichhua chu khuallian niin lawmman a sem.
Kayakalp lawmman sem takah hian Most Improved District Hospital Award chu Siaha District Hospital hlan a ni a, Most Beautiful Hospital Award chu Lawngtlai District Hospital hlan a ni bawk a. Most Improved Community Health Centre (CHC) atan Thenzawl CHC thlan a ni a, Most Beautiful CHC chu Sakawrdai CHC a ni. Urban Primary Health Centre (PHC) zingah Most Inspiring Award chu Sazaikawn PHC (Lunglei District) hlan a ni a, Most Beautiful Award chu ITI PHC (Aizawl District) hlan a ni bawk.
Kayakalp Award hi kum 2015 atanga sawrkar laipui hmalaknaa sem tan a ni a. Kayakalp hi India ram hmun hrang hranga sawrkar damdawiin ten faina kawnga hma an sawn theih nan leh damdawiin mawina tura hmalakna a ni a. NQAS Accredited Certification hian nuai 30 a keng tel a, NQAS Accredited tur hian tehna chi hrang hrang 100-ah 70 hmuh a ngai a, hamthatna hrang hrang a keng tel bawk a ni.