ZALEN July 3, 2024; India rama sawrkar damdawiin tha bikah Haulawng Primary Health Centre leh Chawlhhmun Urban Primary Health Centre te thlan thar an ni.

India rama sawrkar damdawiin tha bik tehna, National Quality Assurance Standard (NQAS)-ah heng damdawiin pahnih te hi an tling a. Damdawiin tha a tling tur hian State level leh National Level atangin tehna hrang hrang paltlangin Haulawng Primary Health Centre hian 90.6% hmu in Premium ah a tling a, Chawlhhmun Urban Primary Health Centre hian 87.9% a hmu bawk.

Damdawiin tha tehna-ah hian tehna hrang hrang 2,000 chuang a awm a ni.

Mizoram-ah hian Civil Hospital Aizawl, Aibawk Primary Health Centre, Thingsulthliah Primary Health Centre leh ITI Urban Primary Health Centre te hi damdawiin tha a thlan anlo ni tawh.