ZALEN September 09, 2026 : Mizoram sawrkarin dan loa Family Pension la mekten anmahni duhthlannaa pension an tihtawp theihna turin Voluntary Surrender of Pension Payment Order a tihchhuah hnuah vawiin chhun thleng khan mi 135 in an surrender tawh.

Sawrkar chuan family pension latute tan mahni duh thu ngeia sawrkara pek kirna (surrender) hun hi July ni 1 atanga September ni 30 chhung a hawng a ni.

Family pension surrender tamna ber chu Aizawl South Treasury-ah niin mi 56 a ni a, Lunglei treasury in dawtin mi 34 an ni a, surrender tlemna Lawngtlai leh Chawngte Treasury-ah mi pakhat ve vein an surrender.

 Sawrkar chuan voluntary surrender hun chhunga pension surrender lote chhui turin task force a din dawn a. Dan loa family pension la an hmuh chuan pension chu an tihtawp mai bakah dan angin hremna an lekkawh dawn a ni.