Aizawl April 14,  2022:  Food, Civil Supplies & Consumer Affairs Director Ramdinliani chuan  dan kalha POL leh LPG sumdawnna hmun dapchhuah leh man theihna thupek a chhuah.

Liquefied Petroleum Gas (LPG) leh Petroleum, Oil & Lubricants (POL) hmanga dan kalh leh diklo taka sumdawnna (black marketing) chungchangah thupek a chhuah a, he dan leh thupek kalha sumdawnna kalpui te chu hrem theih leh man theih reng an ni.

POL leh Liquefied Petroleum Gas ( LPG) dan kalha hralh chungchangah, Government Oil Company, Parallel Marketeer emaw, Distributor emaw lo chuan POL & LPG hi customer hnenah hralhin sumdawnna kalpui theih a ni lo. [LPG (Regulation of Supply & Distribution) Order 2000, Section 6].

Dan kalha sumdawnna hmun dap chhuah leh man theihna tu chu Licensing Authority emaw, Executive Magistrate emaw, Police Officer (Sub-Inspector aia hniam lo) emaw Civil Supplies Department officer tupawh (Sub-Inspector aia hniam lo) leh State Govemment-in thuneihna a pek angin hma an la thei.

The Mizoram Trade Articles (Licensing and Control) Order, 1987 zawm a nih theihnan Khawi hmun leh a vel pawh luta hawn tirin, dan kalha POL leh LPG chheprelh a awm leh awm loh a enfiah thei ang.    

Dan kalha sumdawnna thil dahkhawmna hmun, The Mizoram Trade Articles (Licensing and Control) Order, 1987 kalha thil tih a awm emaw, awm theia a hriat pawhin a dapin a man thei ang. Hei bakah hian heng dan kalha sumdawnna article (Petrol, Diesel, LPG etc.) phurh nana hman lirthei leh hmanrua (vessel) te a dapin a man thei bawk ang.