Australian model Miranda Kerr chuan a larna hmang tangkai a, a tha zawnga danglamna thlen a duh thu a sawi. 

Kum 37 mi Miranda Kerr hian a larna chu a tha zawnga danglamna thlentu atan a duh tih a sawi a, "Naupangte ka nih laiin ka nuin 'nangmaha eng awm kha lan chhuah tir rawh' tiin min hrilh thin a ni," a ti. 

Victoria’s Secret Fashion Show en thinte chuan Miranda Kerr duhawm zia kan hria ang - tunge a nih sawi tam a ngai lo. Milar tam takin an larna hmang tangkaiin a tha zawnga thil thlak danglam an duh thin a, chung zingah chuan Miranda Kerr pawh hi a tel a ni. 

Victoria's Secret Angel Miranda Kerr chuan, "Victoria’s Secret Angel ka nih chiah khan interview leh Tv-a inlanna tur a tam em em a, chu chu remchangah lain a tha zawnga danglamna thlen ka tum thin. Eng kawng emaw zawng takin danglamna ka thlen thei tih ka hria a, chuvangin 'Treasure Yourself' leh 'Empower Yourself' lehkhabu pawh ka ziak a ni," tiin a sawi. 

Miranda Kerr hi Snap CEO Evan Spiegel nen 2017 khan an innei a, fa pahnih an nei. Kerr hian Glamour magazine-in an kawm tumin Evan Spiegel hi a fak hle a, "Ka pasal hian ka nunah danglamna nasa tak a thlen a, a hna leh chhungkua a ngaipawimawh em em a, nitin mai hian phurna thar min pe thin," tiin a sawi a ni.