ZALEN September 9, 2026: Serchhip District Deputy Comminssioner Paul L. Khuma chuan vawiin khan Kikawn-Sailiamkawn inkar kawng enkawltu Urban Infratech Pvt Ltd te a office chamber-ah a ko a, darkar 24 chhung kawng mite thianfai turin a hriln a, an zawm lo a nih chuan BNSS 152 leh DM Act, 2005 hnuaia hma lan a nih tur thu a hrilh.

Executive Engineer, PWD Serchhip te nen chak zawka hmalak dan tur an sawi ho a, Bawrhsap chuan tun hnaiah ruah sur nasa avanga leimin a awm nual thu sawiin contractor ten a hun taka an then fai loh avangin mipuiin harsatna an tawh thin thu a sawi a. Tun chinah chuan chhiatna a thlen atanga darkar 24 chhunga thian fai zel turin a hrilh a, tuna leimin-in kawng a hnawh ho zawng zawngte pawh ni khat chhunga thianfai vek turin a hrilh bawk.

Heng thupekte hi an zawm lo a nih chuan BNSS 152 leh DM Act, 2005 hnuaiah dan angin Contractor te chungah hian hma lak a nih tur thu a hrilh a ni.