Aizawl: Health Secretary H.Lalengmawia IAS chuan Zirtawpni khan Darlawn PHC Building sak lai mek a hmunah kalin a enfiah.

Health Secretary hi Darlawn PHC thawktute leh Darlawn Village Level Task Force hruaitu ten an lo dawngsawng a. Sakawrdai CHC thawktute bakah Darlawn MHIP leh MUP hruaitute nen pawh inkawmhona hun tha tak an hmang bawk. Secretary chuan Darlawn PHC chu khawtual mai bakah a chheh-vel atanga pantu tam tak nei a nih avangin sawrkar pawhin a ngai pawi-mawh em em a. Theih tawp chhuah a tih changtlun chhoh zel pawh a tum a ni a ti. Health Secretary hian Khawruhlian PHC thawktute mamawh a enpui leh nghal bawk.