Darwin Gabriel Núñez Ribeiro (Spanish pronunciation: [ˈdaɾwĩn ˈnuɲes]; born 24 June 1999) hi Uruguayan professional footballer niin forward-ah a khel thin a, Benfica leh Uruguay national team tan a khel thin. July 1, 2022 atangin Premier League Club Liverpool tan a khel tan ang. 

Uruguay club Penarol youth academy chhuak a ni a, 2017 khan fist team-ah khel tir tan a ni a, August 2019 khan Spanish Segunda Division team Almeria chuan an club player manto ber ni turin an lalut a. 2020 khan Benfica chuan an club record fee ni turin Euro maktaduai 24-in an lalut ve leh a, Portuguese football-a player man tam ber a ni zui bawk. Liverpool chuan Darwin Nunez hi Benfica atangin an club-record fee ni turin £85m-in kum ruk atana an lallut leh a ni.

Nunez hi an naupan lai chuan an rethei em em a, a nu hi bottle zuar niin a pa hi nitin hnathawka eizawng a ni. Aunaupa nen riltam tak taka mut chang an nei a, ei tur ei lova schook kal chang te pawh an nei. Kum 14 mi a nihin 2013 khan Uruguay khawpui Montevideu-ah Penarol zawm turin an kal a, mahse, In lama a ngaihna avangin football chawlhsan a tum a. Amaherawhchu, a unaupa chuan cham turin a thlem thlu hram. A dinhmun an thlirin Penarol lam hotute pawhin kumtin a chhungte tlawh an phalsak ta hial a ni. 

September 2020 khan Benfica tana a match hmasaber a khel a, PAOK chu 2020–21 UEFA Champions League third qualifying round -ah hmachhawnin Pedrinho a thlak a, an chak lo zui nghe nghe. October 18-ah league lama a match hmasaber a khel a, hemi tum hian Rio Ave chu an hneh. October 22-ah Europa League lama a goal hmasaber chu Lech Poznan lakah a thun a, hemi tum hian hat-trick a siam nghe nghe. Hemi hnu ni li naah Primeira Liga-ah a goal hmasaber a thun zui a B SAD lakah 2-0 in an chak.

June 13, 2022 khan Benfica leh Liverpool te chuan Nunez chungchangah hian inremna an nei a, € million 75 fee bakah € million 25 million pek belh turin inremna an siam a. A tukah a man hi tichiangin a man atan hian pound million 64-ah inremna neih a nih thu puang zui leh adds lam nen pound maktaduai 85-in inremna an nei ta a ni.

Núñez leh a kawppui Lorena Mañas hian fapa Darwin tih hming an phuah chu , January 2022 khan an nei a ni.