Aizawl June 3, 2023 : Vawiin chhun khan Tuirial Constituency bial K. Laldawngliana, MLA chuan a bial chhung Thingdawl Polytechnic hmuna Manipur râltlan Camp a awm mêk te tanpuina thilpek a hlan a, Refugee aiawh in R.Lalenghluna i/c Refugee's Mess Mangement chuan a lo dawngsawng a ni. Raltlante hian Thingdawl retailer hnenah buhfai an la tawh a ni.

Raltlan te hi a tul angin sawrkar in a buaipui a, tui pawh an mamawh dan angin PHE Department kal tlangin pek an ni. DM&R Dept kal tlangin mutbu nei lo mi 40 te hnenah mutbu pek an ni a Ration card ngaihtuah sak niin Thingdawl retailer hnenah buhfai an la thei tawh a ni.

Bialtu MLA Dawngtea hi Thingdawl VC te, Sub-Hqrs. YMA leh NGO hruaitu te, Tuirial West Block MNF hruaitute leh MNF Unit hruaitu te bakah Media Cell lam ten an tawiawm a ni. Hemi hunah hian medical lam atangin Nurses ten Refugee te hriselna endik nghalin, an mamawh ang zelin MLA rawn ken Damdawi te chu Raltlan te hnenah an semchhuak nghal bawk ani.

MLA hian Raltlan te tan hian - 1. Dal - 10 bags ; 2. Prunsen - 5 bags ; 3. Chi 1 bags ; 4. Hmarcha - 10 kgs ; 5. Aieng - 5kgs ; 6. Buhfai - 30 bags ; 7. Alu - 525 kgs ; 8.  Tel - 10 case ; 9. Ors - 1 case ; 10. Dekchi lian - 2 nos leh Inbualna sahbawn tam tham tak leh an mamawh dang te a pe a ni.