English rock band lar Def Leppard chuan nakkum khian North America lamah tour an nei leh dawn tih an puang. Def Leppard hian Mötley Crüe an thawhpui leh dawn a, tour hi an neiho dawn a ni - special guest tur zingah Alice Cooper a tel cheu bawk. 

Tour an neih tur chungchang hi tun hnai khan puan a ni a, an band member Joe Elliott chuan US lama an fans te a chawk phur tan der tawh. Def Leppard hian kumin nipui lai khan North America-ah hian 'The Stadium Tour' an lo nei tawh a, a hlawhtling hle. WORLD Tour 2023 an neih leh turah hian American heavy metal band Mötley Crüe te an tel dawn a, a boruak a nep lo khawp ang le. 

Tour hi February atangin an tan dawn a, US bakah - Mexico, South America, Europe leh United Kingdom ahte pawh concert an nei dawn a ni.