Aizawl; Phai lam media thenkhat tarlan danin, Mizoram Rajya Sabha MP K. Vanlalvena chu August 1, 2021 ah Dholai PS a inlan turin Assam police in an hriattir a, hemi chungchang hi engmah hriat a neih loh thu leh a inlan theih loh tur thu MP K. Vena chuan ZALEN a hrilh.

MP K. Vena chuan Assam police ten man an tum tak tak ni pawhin a hre lo tih ZALEN hrilhin, an lo man ta a nih pawhin a ngaih thutak loh thu a sawi a, ngaihtuahawm a nih loh thu sawiin, Assam sawrkar in amah chhui tur leh a chungchang ngaihtuahtu tur a ruat chu an mite rilru na thawi dam nan a an tih ni mai a ngaih tha a tih thu a sawi.

Phai lam media thenkhatten Assam police te Delhi a a chenna in a kal anga an tarlan pawh, an rawn kal a hriat loh thu leh a awm loh lai a nih a rin thu a sawi bawk. 

Hemi chungchangah hian MZP chuan Mizoram MP K. Vanlalvena thlavang na takin an lo hauh tawh a, National media te hmaa na taka Mizo mipuite thlavang a hauh chu thlamuanthlak an tih thu leh a chungah thil tha lo engpawh a thleng a nih chuan na takin a thlavang an hauh dawn thu leh a chungah eng thil mah ti lo tura Assam CM an hriattir thu thuchhuah siamin an lo tarlang tawh.