Zunthlum hian taksa peng hrang hrang a nghawng dan
    Diabetes hi nitin enkawl ngai a ni a, thisen sugar sang hian tuihalna a tipung thei a, zun tam a ngai a, hah hmana a thlen a, mit a fiah lo a, tum loh takin taksa rihna a tlahniam thut thut thei bawk. Chu bâkah, thisen sugar level thunun loh chuan taksaa thisen kalna kawng te a tichhe thei bawk a, chu chuan thisen chu taksa peng hrang hrang a sem a harsat a thlen thei a ni. Chuvangin taksa peng hrang hranga natna lang chhuak thin te chu uluk taka enfiah reng a ngai a ni.

Mit
    Thisen sugar level sang hian mitmu vun chhunga thisen kalna kawngte a nghawng thei a, mit nena inzawm harsatna thenkhat mitdel,  na lem lova mit pualna leh rawng thliar theih lohna thlengin a thlen thei. Retinopathy hian mit hnung lama light-sensitive layer awm mitmu vun a inthlak danglamna a huam a ni. Enkawl loh chuan zunthlum vei te mitdelna a thlen thei a ni.

Ke
    Zunthlum hian i ke a nghawng theih dan kawng hnih a awm a. A hmasa zawk chu nerve tihchhiat hmangin a ni a, chu chuan i ke chu engmah hriat theih lohna a thlen thei a ni. Pahnihnaah chuan i keah thisen kal tlang tha lo i tawk thei bawk a, chu chuan natna hrik eng pawh dam a harsat phah a ni. Hun a kal zel a, hliam emaw natna hrik emaw enkawl that a nih loh chuan ke tan ngai hial khawpin a awm theih. 

Kal
    Kal (Kidney) hi taksa peng pawimawh tak a ni a, chu chuan taksa atanga tur (toxin) leh bawlhhlawh awm zawng zawng a filter vek a ni. Thisen kalna kawng te tak te a awm a, chu organ chu a thawk tha thei hle. Mahse, zunthlum  hian heng thisen kalna kawngte hi a tichhe thei a, chu chuan zunthlum natna, diabetic nephropathy tia hriat bawk a thlen thei a ni. A lan chhuah dan chu: zun chhunga protein awm, zun a tam phah, thisen sang control nasat, ke ruh na, luak chhuak leh thil dang tam tak a awm.

Tha
Diabetic retinopathy leh nephropathy ang bawkin thisen sugar sang hian tha (nerve) chhiatna a thlen thei a, chu chu diabetic neuropathy an ti a ni. He natna hian natna hrang hrang a thlen thei a, chung zingah chuan chawmawlhna leh hik (hit) bakah lumna te a hloh thei bawk. ke sa leh ke ulcer natna thlengin a thlen thei. 

Lung leh thisen kal kawng

Thisen thlum sang hian thisen kalna kawng a tichhe thei tih ngaihtuah chuan zunthlum vei chu stroke leh lung natna te bakah rilru lam harsatna a thlen theihna a sang fo thin. Hei bakah hian US Centers for Disease Control and Prevention (CDC) chhinchhiah dan chuan zunthlum vei te hian thisen sang bakah lung natna vei theihna chance a sangin natna dang neih belh theihna a awm nual bawk.

Engtin nge zunthlum lakah i inven ang?
Tu pawh hi zunthlum vei awlsam tak kan ni vek a, mahse, chu risk tihtlem dan kawng erawh engemaw zat a awm thung.

Taksa hrisel tak kan neih theih nana inenkawl that hi a pawimawh hle a, thisen a glucose level sang lo tur a hmalak hi a pawimawh hmasa ber pakhat a ni.

Rihna enkawl uluk hi a pawimawh bawk. Kan sang zawng leh kan rihna a inmil tawk em tih te kan ngaih pawihmawh a ngai a, regular taka workout hi a pawimawh a, meizial zuk leh zu in te pawh hi hrisel lohna thlentu lian tak an ni. 

A pawimawh ber chu Doctor rawnin i hriselna dinhmun hre turin check-up nei fo thin rawh.