December 13, 2023; Synod Hospital-a Dialysis Unit chuan hmasawn zelin room tih zauh leh siamṭhat hna thawh a ni a. Dialysis room thar hi December 13, 2023 (Nilaini) chawhma dar 10:00 khan Rev. HC. Khaicho, Hospital Chaplain-in Pathian hnenah a hlan.

Room thar hlan hi Dr. Lalṭhakima, Director-in kaihruaiin, Upa Lalrinmuana, Coordinator hnen aṭangin Technical Report ngaihthlak a ni. Dr. Joseph Lalhmachhuana, Nephrologist (Super Specialist)-in lawmthu sawina leh Dialysis Unit Report a pe. Dialysis room siam thar hna hi August 16, 2023 khan ṭan a ni a, room thar siam nan leh Dialysis khawl thar lei nan a vaiin Rs. 29,34,780/- sen a ni.

Synod Hospital Dialysis Unit hian hma a sawnin tunah hian Dialysis khawl 7 neih mek a ni a. Kum 2023 chhungin Dialysis vawi 2331 tih tawh a ni. Tunah hian Nephrology Ward siam turin hmalak chhoh mek a ni bawk.