Aizawl: Disaster Management & Rehabilitation Minister Lalcham- liana chuan nimin khan Zirtawp zana Thuampui Veng-a lungrem chimin a hnawl Lalbiakzuala te chhungkua leh leimin-na hmun a tlawh. 

Minister hian chhiat tawhna lo thleng chuan a barakhaih thu leh nunna hlu tak 4 lai mai chân an awm chu pawi a tih thu leh a tawrhpui thu te a sawi. Khuarel chhiatna ni lo, fimkhur tawk loh leh inthlahdahna avanga chhiatna thleng a awm thin chu thil pawi tak a nih thu sawiin, he chhiat tawhna thlen chhan chhui chiang turin Deputy Commissioner, Aizawl chu a hriattir nghal bawk.

Minister hian chhiat tawk chhungte ral nan Rs. 10,000/- leh Thuampui Local Council te hnenah hnatlang thingpui lumna turin Rs. 5,000/- a pe bawk. Aizawl bawrhsap Dr. Lalhriatzuali Ralte chuan chhiat tawk chhungte ralna pawisa fai leh Thuampui Local Council ten hnatlanna-a an hman tur Silpouline engemawzat pe nghal bawk.