Bollywood superstar Ranveer Singh leh Kiara Advani te chu Don 3-ah an chang dun dawn a, inbuatsaihna pawh an kalpui ngawrh hle. Nikum khan Farhan Akhtar chuan Don 3 siam a nih tur thu leh Ranveer Singh chu a changtupa tur a nih thu a lo puang tawh a nih kha. A chanpui tur erawh tihchian a awm mai lo a, tunah chuan Kiara Advani tihfel a ni ve leh ta a ni. 

Don hi kum 2006 khan a hmasa ber tihchhuah a ni a, an director hi Farhan Akhtar niin Shah Rukh Khan, Priyanka Chopra, Arjun Rampal, Isha Koppikar leh Kareena Kapoor te an inlan a ni. Don 3-ah hian Shah Rukh Khan kan hmu tawh dawn lo a, Ranveer Singh kan hmu ve thung tawh dawn a ni. Thla thar atangin shooting hi an tan dawn nia tarlan a ni. Farhan Akhtar bawkin a direct leh dawn a, 2025-ah tihchhuah a ni ang. 

Ranveer hi Singham-ah a inlan leh dawn a, a chanpui tur Kiara Advani pawh Telugu film Game Changer-ah a inlan dawn a, Ram Charan nen an changdun dawn a ni.