Drake album thar 'Certified Lover Boy'

Admin - Sep 04, 2021

Nadia Ntuli leh Mercedes Morr te tan a hlan

Canadian rapper Drake chuan a studio album parukna 'Certified Lover Boy' chu a tlangzarh ta - hla 21 zet a awm. 

Drake hian a album-ah hian - Jay-Z, Nicki Minaj, Travis Scott, 21 Savage, Lil Baby leh Yebba te a thawhpui a, hla 21 sei zawng belhkhawm hi minute 90 vel zet a ni - ngaihthlak manhla tur tak a ni. Drake hian John Lennon leh Paul McCartney te chu a album-ah hian co-writer an nih thu a sawi bawk a, thawhpui a nei hrawl hlawm hle. 'Certified Lover Boy' hi chatuan ram pan tawh Nadia Ntuli leh Mercedes Morr te tan a hlan thu a tarlang bawk.

Drake hian 2018 khan album hit tak 'Scorpion' a tichhuak a, a lar rem rem hle a nih kha. Hemi hnu hian album a tichhuak leh mai lo - tlangzarh hun a sawn hnuah 'Certified Lover Boy' hi a rawn chhawpchhuak leh ta a ni. 

A tirah chuan 2020-ah tlangzarh turin a ruahman a, mahse rokhawlhna a awm avangin January 2021-ah a sawn. Hei pawh hi a hlawhtling leh ta chuang lo a, tunah erawh fan te nghahhleh em em chu a rawn tlangzarh ta a ni. 

Share now