Dua Lipa MV thar ‘Love Again’

Admin - Jun 06, 2021

A zai bakah a che vel chu hmuhnawm a tling | Cowboy lukhum khumin, ramsa vun atanga siam ni awm tak a inbel bawk

British singer Dua Lipa chuan music video thar ‘Love Again’ a tichhuak leh ta. 
‘Love Again’ hi a album ‘Future Nostalgia’-ah khan a tel a, June 4 khan official music video hi a tichhuak ta a ni. 

Dua Lipa hi a MV tharah hian a inchei ‘bon’ viau a, a zai bakah a che vel chu hmuhnawm a tling - Cowboy lukhum khumin, ramsa vun atanga siam ni awm tak a inbel bawk. A aw lian tha tak leh a hla mil tura video siam hi  hmuhnawm tak a ni, dancer ten an pui tha viau bawk. 

Kum 25 mi Dua Lipa hian a studio album hmasa ber ‘Dua Lipa’ chu ama hming chawiin June 2, 2017 khan a release a, kumin hi a kum lina chiah a ni. Hemi puala a thusawiah Dua Lipa chuan, “Internet kaltlangin sawiselna ka tawk nasa em em a; mahse, hei hi min tichhaktu a ni. Thil tha leh chhia hian hma min sawn tir a, chu chuan mi tha zawkah min siam a ni,” tiin Instagram story-ah a tarlang. 

Dua Lipa chauh hi internet kaltlanga sawiselna tawk a ni lo, milar zawng zawng hian beih an tawk ti ila a dik zawk hial ang. 

‘One Kiss’ singer hian a fan te chungah lawmthu a sawi uar hle bawk a, “A tir atanga tun thlenga ka hla min ngaihthlak sak a, min hlut saktute chungah lawmthu ka sawi tak zet a ni,” a ti. 

Dua Lipa music video thar ‘Love Again’ hi YouTube-ah en theiha chhawpchhuah niin, mi maktaduai nga chuang zetin rei lo te chhungin an view leh der tawh a ni!

Share now