Kan dam hun chhung nuam taka hmang tur chuan rilru leh taksa hrisel kan neih a pawimawh a, rilru hriselte chu an taksa pawh a lang tar har thin. Chutiang deuh bawk chuan kan thil ei a zirin kan hmel lan dan pawh a lang tar hmain har thei a, dul thep zaiha lan upat har duh tan chuan hengte hi zawm tur a ni. 

1. Tui in tam rawh : Tui in tam hi taksa hriselna kawng tinrengah a pawimawh a, nitin tui taksa mamawh tawk inziah tur a ni. Taksa mamawh tawk tui in loh chuan lung leh kal harsatna a thleng thei a, taksa pawh a chak tur angin a chak thei lo thin. Tui in tam hi taksa tan a hrisel a, hmel a tiengin lang upa lutuk tur pawh eng emaw chen a veng thei a ni. 

2. Thlai ei tam rawh : Thlaiah hian antioxidant, vitamin, mineral leh fiber a tam a, heng zawng zawng hian naupang leh hrisel taka awm theihna turin a pui thei che a ni. Chaw kan ei a piangin a theih phawt chuan thlai lam chi hmeh tel ziah tur a ni a, calorie a tlem a nutrient a tam avangin taksa tan a tha em em a ni.

3. Chawhmeh hrisel ei thin ang che : Kain a chak avanga kan tui tih zawng ei chiam hi a finthlak loh hle. Kan taksa tana hrisel kan thlan thiam a ngai a, nitin chawhmeh hrisel hmeh hi kan dam khaw chhuah ana thil pawimawh tak a ni. 

Chaw leh a hmeh a pawimawh rual hian chaw ei hun bi neih pawh a pawimawh hle bawk. 
4. Sa hring ei tlem : Thenkhat tan chuan zawm harsa tur tak a ni! Sa hring ei hi hriselna tan a tha ber lo tih mithiamte chuan an sawi a, sa hring ei nasat hian tar hmana a then thei tlat mai. Sahring hian fat a pai tam a, chu chuan thisenah cholesterol level a tisang bawk. Ei nasat chuan heart disease, stroke leh cancer vei theihna a tipung thei tih mithiamte chuan an sawi bawk. Sa hringah pawh sati sen lam hi taksain a ngeih lo zual a, Bawng te ai chuan sati var lam Sangha te pawh ei tam a tha zawk a ni. 

5. Tum khatah thil ei teuh loh tur : Mizote hi tui tih zawng ei vak mai thin hnam kan i a, hei hi hriselna atan a lo tha lo khawp mai. Mithiamte chuan vawi leh khata thil ei teuh hi taksa tan a tha lo a, tlem tlema ei zin a tha zawk tih an tarlang. 

Chaw a ni emaw ei tur dang pawh nise vawi leh khata ei teuh ai chuan vawi hnih vawi thum ei a tha zawk a, tum khata ei vak aiin ei zin chu taksa tan a tha zawk a ni.