Aizawl: Ministry of Housing & Urban Affairs, Govt. of India hmalakna in Ningni leh Zirtawpni khan Swacch Bharat Mission (Urban) chungchang hriattirna leh inzirtirna hun chu YMA Hall Durtlang-ah leh Sairang-ah te neih a ni.
Field Outreach Bureau, Aizawl leh Regional Outreach bureau, Shillong leh Ministry of Information & Broadcasting, Govt. of India te huaihawt 2 Day Special Outreach Programme (SOP) hian thupui atan ‘Swacch Bharat Mission (Urban)’ tih chu thupuiah hmangin IEC expert L.Zadeng, Urban Development & Poverty Allevation (UD&PA) Govt. of Mizoram chu resource person atan a hmang. A ni hian Faina chungchang te, kan mamawh tawh loh sawngbawl dan tur leh Fainain mihring sukthlek a tihdanglam theihzia te kalkhawmte hmaah a sawi a, kalkhawmte hi power point hmangin SBM (Urban) kalphung leh tum te a hrilh bawk a ni.
Hmun hniha hun an hmanah hian UD&PA, DDK, AIR, PIB, YMA, Zirna In bakah Culture troupe lam te nen thawhhona tha tak an nei a, film te chhuahin Public Rally bakah Faina lam hawi zawnga hmalakna te leh Cultural programme te an hmang a, Quiz te siamin lawmman semna hun te an hmang bawk. Ni hnih chhung awh he awareness programme hi mi 1500 chuangin an chhim a ni.
&&&&