March 18, 2022 : Tukin zing dar 8:45 vel khan Selesih - Durtlang road, Durtlang Mualveng a motor workshop-ah welding gas a puak a, mi pahnih an boral nghal a, mi 2 dang Durtlang damdawiin panpui an ni.

ZALEN thudawn danin, welding gas puak ah hian workshop neitu Buanga, Durltlang leh he thu ziahlai thlenga tunge a nih la hriatchian theih loh mipa pakhat an boral a, hliam tuar mi 2, Durtlang damdawiin a kalpuite pawh an dinhmun a tha vaklo.

Workshop a thawk te hi biak tur an awm loh avangin thil thlen dan kimchang chiang taka hriat hleih theih a la nilo a, damdawiin panpui pakhat chu Sakawrdai lam mi Lalmawikima niin, pakhat zawk erawh tunge a nih hriat theih a la ni lo.

He thil thleng hi tukin khan police leh forensic lam ten an enfiah nghal a, welding gas puak hian a chhehvel a nghawr na hle a, tukverh darthlalang keh pawh a awm nual nia thudawn a ni.