Aizawl May 2, 2023 : Excise & Narcotics Department chuan chuan May 1, 2023 khan hmun pali - Phunchawng, Thuampui Senhri Veng, Zote Champhai district leh Champhai Venglai atangin Heroin an man a, hemi ni a an man ringawt hi gram 264.100 (Hawng 20) a tling a ni.

Excise & Narcotics Department chuan May 1, 2023 (Thawhtanni) tlai khan Phunchawng-ah Heroin gram 87 (Hawng 7) leh a neitu nia puh – Monica Pari (36) d/o Liankhama, Shingngai, Falam District, Myanmar-a khawsa nia inchhal an man a; hemi tlai dar 5:00 khan Thuampui Sehri Section huam chhungah Heroin gram 13 (Hawng 1) leh a neitu nia puh - L.T. Siama (36) s/o C. Vanlalruata, Thuampui Senhri Section-a khawsa nia inchhal an man.

Excise & Narcotics Department hian May 1, 2023 (Thawhtanni) zan khan Zote, Champhai District-ah Heroin gram 39.100 (Hawng 2) leh a neitu nia puh mi pahnih - Ramfangzauva (22) s/o Lalrinmawia, Champhai Venglai leh Lalramsangi (18) d/o Laltlanngheta (L), Champhai Electric Veng nia inchhalte an man a; hemi zan vek hian Champhai Vaihmun-ah Heroin gram 125 (Hawng 10) leh a neitu nia puh - Lianzamanga s/o Pausawmkhupa, Champhai Dinthar Veng-a khawsa nia inchhalte an man bawk.

Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.

Excise & Narcotics Department hian kumin chhung (January to April) thleng khan hetiang hian zu leh ruihhlo an man tawh bawk:

1 Rakzu Litre 27,379
2 Zu bilh lai Tin 62,893
3 IMFL (750 ml) Bottle 6513
4 IMFL (375 ml) Bottle 375
5 IMFL (180 ml) Bottle 254
6 Beer (500 ml) Can 7750
7 BEDC Litre 840.900
8 Heroin Kg 12.957
9 Ganja Kg 14.721
10 Alprazolam Tablet 3,803
11 Cough Syrup Phial 2,064