Ed Sheeran chuan a hla hit 'Shape of You' copyright chungchangah hnehna a chang ta tih BBC chuan a tarlang. 

English singer hian 2017 khan 'Shape of You' hi a tihchhuak a, mahse mi hla copy-ah puh a ni. Hemi chungchang hi hun rei tak hnuah chinfel a ni ta a, High Court chuan April 5, 2022 (Nilaini) khan thutlukna hi a puang ta a ni. 

Kum 31 mi Ed Sheeran chuan, "Spotify-ah nitin hla thar 60,000 vel release a ni a, chung zingah chuan inang tak tak awm palh theihna pawh a awm. Kumtin hla thar 22 million vel a chhuak thin a, 12 note chiah a awm bawk si avangin hetiang thlen theihna remchang hi a awm ve reng a ni," tiin, a hla copyright chungchang a sawi.