Aizawl May 1, 2023 : Association of Mizoram DIET Employees (AMDE) chuan an service chungchangah harsatna an tawh thin avanga leh thla ruk chhung zet hlawh an lak tawh loh avangin, vawiin 1.5.2023 atang hian ei tur ngaihtuah an ngaih avangin an hna an thawk thei rih lo tih thuchhuah an siamah an tarlang.

AMDE chuan, Mizoram sawrkarin an hlawh tur atana a tum ve tur State matching Share a pek theih lo avangin thawktu ten an ei tur ngaihtuah a ngai a, an hna an thawk thei ta rih lo, tih an tarlang. Hemi chungchanga an harsatnate Mizoram mipuiten hriatpui turin an duh.

DIET thawktu te chuan Teacher Education (DIET) kum 1953-a din ni tawh, 1998-a (CSS) hnuaih dah luh, tun thleng hian Mizoram sawrkarin State Service-ah a la seng lut lo chu an hrthiam thei lo. 

AMDE chuan DIET hnuaia thawktu hlawh chu Central leh State sawrkarin 60:40 a tum a ni, an ti a, state-in a tum ve tur 40% hi state Budget-ah dah a nih ngai loh avangin Central-in a rawn tum thin hman zawh a nih hnuah hlawhah harsatna an tawk ngei ngei thin, tiin, harsatna sukiang turin State Budget-ah state in a tum tur chin hi dah luh ve an ngiat.

Para-Academic Staff post engemaw zat kum 2021 atanga central-in hlawh a rawn pek tawh loh te, tun thlenga an dinhmun chinfela a la awm lo chu a rang thei ang bera an dinhmun chinfel ni se, an ti.

NEP 2020 hian Stand Alone Institution a phal tawh loh laia, DIET kal zel dan turah Mizoram sawrkarin tun thlengin ruahmanna a la nei lo, an ti bawk.