Tunlai hian chhan tam tak avangin Mizoram chuan nitin mamawhah harsatna a tawk \hin a. Buhfai chawkluhna ber ‘rel’ a ni a, tuna ‘rel’ tlan aia lian zawk a luh theihnan a kawng siam\hat mek a ni bawk. Mega Block vanga buhfai thlakchham a awm loh nan Food, Civil Supplies & Consumer Affairs Minister chuan ruahmanna a siam a, Burma leh Guwahati a\angin motor-a phurh a ni dawn a, bawhzui a nih thu te media lamah mipuite’n an hmu fo awm e. Sawrkar chuan sumdawngte chu an bungrua chheprelh leh ti to lo turin. Kawngpui pakhat deuh chauh ringa nitin mamawh te lakluh a nih avangin buai a awm hlek chuan kan nghei titih nghal mai \hin a. Bungrua leh nitin eichawp van vanga sumdawngte’n bungrua an ti to fo \hin tih hi thil thar a ni hran lo a, vawi tam tak mipuiin an hmachhawn tawh a ni.Kawng chhiat emaw buaina avang emawa bungrua a luh theih loh changin kan ramin a tharchhuah thlai man sumdawngte’n tih to ve nghal ngawt an ching \hin a ni. Kan chet duh danin kan mizia a hlil chiang hle! Tunhnaiah Puja chawlh, Assam leh Meghalaya bandh innangchingah tuialhthei phurhluh turte chu kawnglakah an tang bawk a, Vairengtea a dahkhawlna chu hun rei tak chhung hman theih lohin a chhe bawk nen, tuialhthei kan indaihlo a, tlak-chham hlauhna (fear psychosis) chuan mipui a man hman a. Lirthei nei zingah a tam zawkin tuialhthei duhkhawp an hmu lo a, lirtheia eizawngte a nghawng nasa ber a, thil man a to a, kawngpuiah thui tak takin lirthei a intlar a,khawnawtin kan phek buai a ni ber e. Kan rama sumdawng tam tak hian an duh zah zahin an bungrua/ei tur zawrh te hralh an ching a, bungraw tam zawk hi chu sawrkarin ‘rate’ a siam sak thei a ni. Bawng leh vawk kan intodelh zo loa, hemi vang hi nimaw sa zuarte’n an duh zat zatin an chhiar a, chutichung chuan mipuiin an duh lai an lei thei chuang hauh lo. Chu a chhapah, bazarpui leh khawpui chhim lamah ‘sa’ man a in ang thei miah loa, hei hian tihtur ti lo an awm chiang tih a pholang a ni. He ‘issue hi’ a ninawm ta hle mai a, mipui zalenna rahbeh -na chikhat a ni a, a mawhphurtu chu eng department pawh ni raw sek sek, a rang lama enfiah a ngai a, a \ul anih chuan sawrkar pawhin NGO te a pur mai tur a ni a, mipui harsatna hi sutkian ni tawh rawh se. Nakin zelah pawh hriat lawk lem lohin eichawp mamawh van thut a awm thei a, tuialhthei leh bungraw dang pawh chuti tho chu a ni. Kan ramri chhungah sawrkar hian a chhek khawlna siam tam sela, chutah chuan a bungruaa zirin vawn\hat ni mai \hin sela, harsatna nei lem loin kan awm theih a rin-awm. Thlai leh eichawp thil dangte pawh hun rei tak tak vawn \hat theih a ni tawh a, chhek khawl lamah tun aiin sawrkarin \an a lak a ngai a, ngaihpawi-mawh hmasakah nei bawk sela a \ha ber ang.