December 19, 2023; Special Judge, (Prevention of Corruption Act), Dr. HTC Lalrinchhana'n Chakma Autonomous District Council (CADC) a sum eiruk thubuai ah mi 9 thiamloh a chantir a, naktuk chhun dar 12 ah hremna puan a ni ang. 

COURT THU REMNA KIMCHANG

IN THE COURT OF SPECIAL JUDGE

PREVENTION OF CORRUPTION ACT

MIZORAM :: AIZAWL

*************

S.R. (PCA) No. 02 of 2022

Ref. ACB PS Case No. 3 of 2021 dated 14.04.2021

u/s 13 (2) r/w 13 (1)(a) of PC Act, 1988 with sections 409 r/w 120 B of IPC

Accused No. 1 Pu Buddha Lila Chakma hi CADC inthlan vawi sarihna dt. 14/2/2003 a neih ah khan Vaseitlang Constituency atangin MDC atana thlan tlin a ni a, chutihlaia CADC a Chairman Pu Gokul Chandra Chakma chuan a ban (Disqualify) a, chumi lungawi lo chuan Gauhati High Court ah a khing a, Gauhati High Court chuan dt. 7.5.2008 khan thutlukna siam in MDC atanga an paihthlakna chu a hnawl sak a, dan anga MDC-a a hlawh leh hlam ang te pawh pe leh turin thupek a siam bawk a ni.

Hetih lai hian Tahrik ni 1.6.2018-a CADC Executive Committee thukhawm chuan Accused No. 1 Mr. Buddha Lila Chakma an dan anga a hlawh leh hlam bak ah Rs. 49,31,420/- (Cheng nuai sawmli pakua, singthum sangkhat, zali leh sawmhnih) zet pek chuan chu inthurual takin an rel thlu a, pek a ni zui ta a ni.

ACB te hnuchhuina (Investigation) atanga tarlan a nih dan chuan Accused No. 1 Mr. Buddha Lila Chakma hian CADC (Salary, Allowances and Pay of Members) Rule, 2003 anga a dawn theih hi Rs. 14,03,494.00 chauh a nih lai in a vaia pawisa an pek chhuah zat hi Rs. 63,34,914.00 zet a ni thung.

Court ah hian thuhretu hrang hrang te bakah lehkha pawimawh hrang hrang te hmanga finfiahna hi kalpui a ni a, hemi thubuai a tel ve, chutih hunlai-a CADC a Chief Executive Member (CEM) Pu Shanti Jiban Chakma leh Executive Member dang pariat zet te hi section 13 (2) r/w 13 (1) (a) of PC Act r/w 120 B of IPC leh section 409 r/w 120B of IPC angin court hian thiam loh a chan tir a, chungte chu:-

(1) Pu Shanti Jiban Chakma S/o Mr. Ranga Chandra Chakma R/o Kamalanagar- IV, Lawngtlai District ( A- 2)

(2) Pu Hiranand Tongchangya S/o Mr. Kegera Tongchangya R/o Kamalanagar- II, Lawngtlai District (A-3)

(3) Pu Sanjeev Chakma S/o Mr. Sanda Kumar Chakma (L) R/o Kamalanagar- III, Lawngtlai District (A-4)

(4) Pi Kusum Lota Chakma D/o Mr. Rohan Muni Chakma R/o Kamalanagar- II, Lawngtlai District (A-5)

(5) Pu Onish Moy Chakma S/o Mr. Sohadhan Chakma R/o Kamalanagar- I, Lawngtlai District (A-6)

(6) Pu Buban Kumar Chakma S/o Mr. Bharat Mohan Chakma (L) R/o Kamalanagar- III, Lawngtlai District (A-7)

(7) Pu Mohan Chakma S/o Mr. Geyassure Chakma (L) R/o Kamalanagar- II, Lawngtlai District (A-8)

(8) Pu Anil Kanti Chakma S/o Mr. Mukta Nanda Chakma R/o Bajeisora, Lawngtlai District (A-9)

Hetih lai hian hemi thubuai-a meizang hlap tu ber leh sumpai-a hlawkna dawng tu ber Pu Budha Lila Chakma chu vanduai thlak takin tahrik ni 10/10/2023 khan a lo boral tak avangin loh theih loh in ama laka thubuai hi tih tawp a ni thung.

Court hian a thutlukna ah hian mipui ro inrelna dikhlel, voters te hlauhtlawnna avang a kalsual ah hian, Political Party a in hnang fak te hian eizawnna atan ram rawngbawl hna hi an hman nasat tak em avangin ram inrelbawlna hlutna an ti bosal nasa hle a, hei hian engkawng zawng pawhin ram sumpai dinhmun leh hmasawnna a ti thuanawp nasa hle a, sawrkara induhsakna hleihluak te, eiruk leh hlemhletna te a hring chhuak thin, chutiang chu hemi thubuai hi a ni a, chu chu mihring in a damchhan diktak mausam na a ni bawk ti in a tarlang bawk.