Aizawl: Mizoram Legislative Assembly inthlanpui November 28, 2018-a neih tura venhimna hna thawktu tur central armed police force company 40 rawih tur zinga 20 chu Mizoramah an awm tawh. Election department hotuten Zalen an hrilh danin state dang atang hian armed police company 15 chu tun hnai khan an lo thleng a, Mizorama awm sa BSF company 3 leh CRPF company 2 rawih tur nen tunah hian company 20 chu Mizoramah an awm tawh tih an sawi a. Company 20 dang hi tunkar Ningani (November 22, 2018) khian Mizoram an lo thleng dawn niin an sawi. Kum dang inthlan aia central armed police force rawih tam a tul chhan chu strong room ven tur a tam vang te, flying squad, surveillance team leh thil dang hnathawh tur a tam tak vang te niin thudawn a ni.